Benvida curso 25-26

 

Despedida curso 24-25:

Acábase o meu 8° curso como mestra funcionaria da educación pública e sigo sendo consciente do afortunada que son, pero tamén da responsabilidade que temos de contribuir a que a escola pública sexa compensadora de desigualdade-

Como sempre, agradezo o bo:

- Continuar cun grupo co que xa compartiches un curso permite seguir creando un vínculo fundamental para a aprendizaxe.

- Sigo aprendendo moito exercendo como coordinadora do primeiro ciclo, este curso tiven a sorte de seguir compartindo nivel cun compañeiro excepcional.

- Disfrutei moito profesionalmente e personalmente na ruta pedagóxica que realizamos en Berlín para coñecer escolas Waldorf e Fröbel con @coloresrutaspedagogicas e da experiencia de acoller a alumnado francés no centro dentro do marco da acreditación de Erasmus+ conseguida co noso English Team.

- Seguimos traballando no grupo de horta e conseguimos entre outras cousas construír un composteiro, instalar en colaboración coa ANPA un rego automático, etc.

- Seguimos "criando" vermes de seda en clase e tamén galiñas de Mós nunha incubadora.

- Disfrutamos máis da nosa contorna realizando excursións a espazos naturais preto do centro.

Agradecemento:

- Ás familias, gracias pola colaboración e confianza.

- Ao alumnado, por seguir compartindo procesos xuntas/os con tanta ilusión.

- Aos compis, sobre todo a @jacobogjusto por ser un compañeiro de nivel marabilloso.

- A outras personas indispensables, como Merce, porque a comunidade educativa somos todas/os.

- Ás asociacións coas que colaboramos e das que aprendemos moito, sobre todo a ser solidarias e mellores personas: @balrial (recollida de alimentos), @gnhabitat (talleres natureza, visita á contorna da Torre), etc.

Nova etapa (curso 25-26):

Este novo curso (o meu 9°curso como funcionaria) serei titora de 2º de Primaria, cunha compañeira de nivel nova e cunha aula nova (pouco se fala do duras que son as mudanzas docentes 😅 pero todo cambio é unha oportunidade!).

- Seguirei impartindo Plástica en Inglés, este curso en 1º y 2ºEP.

- Seguirei sendo coordinadora do primeiro ciclo.

- Continuamos coa nosa aventura coa acreditación Erasmus+ no centro, grazas á que recibiremos alumnado e profesorado extranxeiro e coa que realizaremos novas "rutas pedagóxicas".

- Tentaremos instalar a radio no cole e aproveitar as oportunidades de aprendizaxe que pode brindarnos.

- Este curso a temática do centro seguirá estando vinculada coa "horta", en concreto coa alimnetación e a sostibilidade; e seguiremos recibindo formación e colaborando coas familias no coidado da mesma.

Este curso "PROCUREMOS QUE OS NOSOS ACTOS DEIXEN SEMPRE UNHA PEGADA VERDE NO CAMIÑO..."